نوي قوانین چې مستقیم ستاسو پر جیب اغیزه کوي
توسط: فیصل کریمیځینې نوي قوانین په کالیفورنیا کې پلي کیږي چې د خلکو پر مالي وضعیت مستقیم اغیزه لري. دا قوانین د اضافي برداشت فیسونو، ګډونونو او حتی طبي پورونو په څیر مسلو پورې تړلي دي.
نوی کال! نوي قوانین!
د ABC 10 د راپور له مخې، د کالیفورنیا والي ګوین نیوسام سلګونه نوي قوانین تصویب کړي، چې ډېر یې د ۲۰۲۵ کال له پیل سره پلي کیږي. دا قوانین مستقیم پر مالي وضعیت اغیزه لري او د خلکو ورځنی ژوند متأثر کوي.
اضافي برداشت فیسونه
د د مصرفوونکو مالي حقونو د ملاتړ دفتر اټکل کوي چې ۲۳ میلیونه کورنۍ هر کال د اضافي برداشت فیسونه تادیه کوي. دا فیسونه کله ناکله د خلکو پر مالي وضعیت سخت بار وي، په ځانګړې توګه د هغو لپاره چې ټیټ عاید لري.
د نوروز خبرپاڼه
مورین پالي، د مالي چارو کارپوهه، وایي:
“که زه ۲۵ ډالر اضافه برداشت وکړم، زه یوازې ۲۵ ډالر ته اړتیا نه لرم چې حساب مې بېرته عادي شي، بلکې باید د ۲۵ ډالرو ترڅنګ ۳۵ ډالر اضافي هم ورکړم.”
اوس، د کالیفورنیا ایالت د دوو نویو قوانینو تصویبولو سره هڅه کړې چې خلکو ته اسانتیاوې برابرې کړي.
بانکونه او د پورونو اتحادیې چې د ایالت تر نظارت لاندې دي، نور نشي کولی له هغو مشتریانو اضافي فیسونه واخلي چې د حساب نه موجودي لري. که تاسو د پورونو د اتحادیې غړی یاست، نو اوس د اضافي برداشت فیسونو لپاره محدودیت ټاکل شوی دی.
دا قوانین په ځانګړې توګه د ټیټ عاید لرونکو خلکو د ملاتړ لپاره جوړ شوي دي.
پالي زیاتوي:
“دا قوانین له ډېرې مودې راهیسې خلک زیانمن کړي، په ځانګړې توګه هغه کسان چې د دې فیسونو د ورکولو لپاره کافي پیسې نه لري.”
دا قوانین د جنورۍ له لومړۍ څخه پلي کیږي.
طبي پورونه
له جنورۍ څخه، طبي پورونه به نور ستاسو د اعتباري راپورونو (Credit Report) کې نه ثبتېږي. دا قانون د خلکو د مالي اسانتیا لپاره تصویب شوی، ځکه چې طبي پورونه د خلکو د اعتباري نمرې (Credit Score) کمښت لامل ګرځي، چې د پور اخیستو، د کور د وام اخیستو او نورو مالي معاملو لپاره مهم دي.
که څه هم دا قانون ستاسو طبي پورونه نه بښي، خو دا ډاډ ورکوي چې پورونه به ستاسو د اعتباري نمرې (Credit Score) ته زیان ونه رسوي.
له بلې خوا، دا قانون د طبي کارتونو پورونو ته نه تطبیقېږي. که تاسو د طبي لګښتونو د پوره کولو لپاره د کریډیټ کارت کارولی وي، نو دا قانون به ستاسو پور ته شامل نه وي.
ګډونونه (Subscriptions)
لغو کول اسانه شول!
د نوي قانون له مخې، د ګډون لغو کول به د پخوا په پرتله اسانه شي.
شرکتونه باید خپل د اتوماتي تمدید پالیسي داسې تنظیم کړي چې مصرفوونکي وکولای شي په هماغه اسانه طریقه خپل ګډون لغوه کړي، لکه څنګه چې یې ثبت کړی و.
د CNET یوه تازه سروې ښیي چې مصرفوونکي په اوسط ډول هره میاشت ۹۱ ډالر د ګډونونو لپاره مصرفوي، چې په کال کې تر ۱,۰۰۰ ډالرو زیات کیږي.
نیکي وولني، د CNET مدیر، وایي:
“ډېر خدماتي شرکتونه د خپلو ګډونونو بیې لږ لږ لوړوي، شاید یوازې ۱ یا ۲ ډالر هر کال، خو دا اضافه شوې اندازه په چټکۍ سره ډېرېږي.”
دا قانون د ۲۰۲۵ کال د جولای میاشتې څخه پلي کیږي.
د خوراکي توکو تحویل (Food Delivery)
که تاسو له اوبر ایټس (Uber Eats) یا دوردش (DoorDash) څخه د خوراکي توکو د تحویل خدمت کاروئ، نو ژر به وکولای شئ د تحویل ورکوونکي (Delivery Driver) په اړه نور معلومات ترلاسه کړئ.
اوس به تاسو د تحویل ورکوونکي نوم او انځور وګورئ، ترڅو د امنیتي اندېښنو مخنیوی وشي.
دا قانون د مشتریانو د امنیت زیاتولو لپاره جوړ شوی دی او د ۲۰۲۵ کال د مارچ میاشتې څخه پلي کیږي.
