د حقوقی او رسنیزو بنسټونو خبرپاڼه د مهاجرو د مشروط استوګنې د اصلاحیې په اړه
د امریکا د کورنیو چارو وزارت (DHS) نن د یو شمېر مهاجرو لپاره د «مشروط استوګنې پای» تر سرلیک لاندې خبرتیا خپره کړې ده. دا خبرتیا د مهاجرو، په ځانګړی ډول د هغو افغان مهاجرو لپاره چې مشروط استوګنه لری، ژوره اندېښنه رامنځته کړې ده.
سپوژمی نصیری چې په کالیفورنیا کې د مهاجرت حقوقی مشاور ده، وایی چې اوس DHS د ۲۰۲۵ کال د اپریل په ۱۱مه، یو شمېر مشروط استوګنه لرونکو مهاجرو ته د بریښنالیک له لارې تایید کړې چې دا خبرتیاوې په تېروتنه استول شوې دی. د اصلاحیې په رسمی متن کې راغلی دی:
«هیڅ قانونی اقدام به د ستاسو د مشروط استوګنې په اړه نه تر سره کېږی… ستاسو د مشروط استوګنې شرایط هماغه دی لکه څنګه چې په پیل کې صادر شوی وو، او دا مهال هیڅ بدلون پکې نهدی راغلی.»
دغه بریښنالیک د امریکا د کورنیو چارو وزارت د ۲۰۲۵ کال د اپریل په ۱۱مه د یو شمېر افغان مهاجرو لپاره استولی دی.
د نوروز خبرپاڼه
مهم او عاجل ټکی:
• دا اصلاحیه د DHS تر دې دمه ورستۍ او رسمی اعلامیه ده.
• لا هم روښانه نهده چې دا اصلاحیه د کومو کسانو لپاره صادره شوې ده.
• هغه کسان چې مخکې یې د «مشروط استوګنې د پای» خبرتیا ترلاسه کړې، باید خپل ایمیلونه په دقت سره وڅاری ترڅو وګوری چې آیا اصلاحیه ورته استول شوې ده که نه.
• د ټرمپ ادارې مهاجرتی پالیسۍ پرلهپسې او اکثراً بې له مخکېنی اعلان بدلېږی.
• که چیرې تاسو د پناه غوښتنې یا د ځانګړې مهاجرتی ویزې (SIV) غوښتنه کړې وی، نو باید د اوسنی قضیې له مخې نوی د کار اجازهلیک درخواست کړئ، څو ستاسو د کار وضعیت د مهاجرتی حالت سره همغږی شی.
سپوژمی نصیری تر دې دمه لاندې مهم ټکی یاد کړی دی:
موږ د مهاجرو د اندېښنو او اضطراب درک لرو او ټولنې ته ډاډ ورکوو چې د DHS ټولې رسمی اعلامیې به په دوامداره او دقیق ډول تعقیب کړو، او هر ډول تایید شوی معلومات به ژر تر ژره له خلکو سره شریک کړو.
یادونه:
دا خبرپاڼه یوازې د عمومی معلوماتو لپاره چمتو شوې ده او د شخصی حقوقی مشورې ځای نه نیسی.
که ستاسو وضعیت ځانګړی وی، مهربانی وکړئ یو تجربهلرونکی د مهاجرت وکیل سره مستقیم تماس ونیسئ.
په درناوی،
د سپوژمی نصیری حقوقی بنسټ
نوروز میدیا
د افغان امید ټولنه – کالیفورنیا
د افغان-امریکایی ټولنیز بنسټ
۱۱ اپریل ۲۰۲۵
