کالیفورنیا د امریکا د یو له روغتیايي ایالتونو څخه وپیژندل شو

توسط: فیصل کریمی

د فوربز مجلې لخوا د ترسره شوي وروستي تحقیق پر بنسټ، کالیفورنیا د امریکا له سالمو ایالتونو څخه ګڼل شوې ده.

په دې وروستۍ څیړنه کې، فوربز د امریکا ۴۶ لوی ښارونه د اتو مهمو معیارونو پر بنسټ ارزولي، چې پکې د زړه ناروغیو له امله مړینه، د مخدره موادو استعمال، چاغوالی، شکره (Diabetes) او د وینې لوړ فشار شامل وو. د دې څیړنې پایلې ښیي چې کالیفورنیا د امریکا له سالمو ایالتونو څخه دی، ځکه چې د دې ایالت یو شمېر ښارونه د سالمو ښارونو په سر کې راغلي. په ځانګړي ډول، د سان خوزه ښار د چاغوالي او د مخدره موادو تر ټولو ټیټې کچې له امله د امریکا تر ټولو سالم ښار نومول شوی دی. همداراز، سان ډیاګو په څلورم مقام، سان فرانسیسکو په شپږم مقام، اوکلینډ په اوولسم مقام، لاس انجلس په پنځلسم مقام او لانګ بیچ په اوولسم مقام کې ځای لري.

په مقابل کې، د میشیګان ایالت دیترویت ښار د امریکا له ناسالمو ښارونو څخه ګڼل شوی. دا ښار د هغو لویانو تر ټولو لوړه سلنه لري چې په شکره، لوړ فشار او چاغوالي اخته دي، او د ټولو لویو ښارونو په پرتله، د دې ښار اوسیدونکي تر ټولو زیات سګرت څکونکي دي. میلواکي، ویسکانسین، او ممفیس، تنسي هم د هغو ښارونو په لیست کې شامل دي چې خلک یې له ناسالم ژوند سره مخ دي. دا ښارونه د مخدره موادو د لوړ استعمال، چاغوالي، او د لوړ فشار له امله د مړینې د لوړې کچې له کبله، د دې څیړنې په پایله کې ټیټ ځایونه خپل کړي دي.

له بلې خوا، د امریکا سالم ښارونه چې پکې سان خوزه، آستین (تگزاس)، سیاتل (واشینګټن) او سان ډیاګو (کالیفورنیا) شامل دي، د سالم ژوند بڼې، فزیکي فعالیتونو، او مناسب رژیم ساتلو له امله د سالمو خلکو درلودونکي ګڼل شوي دي. د بېلګې په توګه، آستین ښار د هغو لویانو تر ټولو ټیټه سلنه لري چې د لوړ فشار له ناروغۍ سره مخ دي، او سیاتل د شکرې او سګرت څکولو تر ټولو ټیټه کچه لري، چې دا ښارونه یې د امریکا له سالمو ښارونو څخه کړي دي.