کالیفورنیا د امریکا د یو له روغتیایی ایالتونو څخه وپیژندل شو

توسط: فیصل کریمی

د فوربز مجلې لخوا د ترسره شوی وروستی تحقیق پر بنسټ، کالیفورنیا د امریکا له سالمو ایالتونو څخه ګڼل شوې ده.

په دې وروستۍ څیړنه کې، فوربز د امریکا ۴۶ لوی ښارونه د اتو مهمو معیارونو پر بنسټ ارزولی، چې پکې د زړه ناروغیو له امله مړینه، د مخدره موادو استعمال، چاغوالی، شکره (Diabetes) او د وینې لوړ فشار شامل وو. د دې څیړنې پایلې ښیی چې کالیفورنیا د امریکا له سالمو ایالتونو څخه دی، ځکه چې د دې ایالت یو شمېر ښارونه د سالمو ښارونو په سر کې راغلی. په ځانګړی ډول، د سان خوزه ښار د چاغوالی او د مخدره موادو تر ټولو ټیټې کچې له امله د امریکا تر ټولو سالم ښار نومول شوی دی. همداراز، سان ډیاګو په څلورم مقام، سان فرانسیسکو په شپږم مقام، اوکلینډ په اوولسم مقام، لاس انجلس په پنځلسم مقام او لانګ بیچ په اوولسم مقام کې ځای لری.

په مقابل کې، د میشیګان ایالت دیترویت ښار د امریکا له ناسالمو ښارونو څخه ګڼل شوی. دا ښار د هغو لویانو تر ټولو لوړه سلنه لری چې په شکره، لوړ فشار او چاغوالی اخته دی، او د ټولو لویو ښارونو په پرتله، د دې ښار اوسیدونکی تر ټولو زیات سګرت څکونکی دی. میلواکی، ویسکانسین، او ممفیس، تنسی هم د هغو ښارونو په لیست کې شامل دی چې خلک یې له ناسالم ژوند سره مخ دی. دا ښارونه د مخدره موادو د لوړ استعمال، چاغوالی، او د لوړ فشار له امله د مړینې د لوړې کچې له کبله، د دې څیړنې په پایله کې ټیټ ځایونه خپل کړی دی.

له بلې خوا، د امریکا سالم ښارونه چې پکې سان خوزه، آستین (تگزاس)، سیاتل (واشینګټن) او سان ډیاګو (کالیفورنیا) شامل دی، د سالم ژوند بڼې، فزیکی فعالیتونو، او مناسب رژیم ساتلو له امله د سالمو خلکو درلودونکی ګڼل شوی دی. د بېلګې په توګه، آستین ښار د هغو لویانو تر ټولو ټیټه سلنه لری چې د لوړ فشار له ناروغۍ سره مخ دی، او سیاتل د شکرې او سګرت څکولو تر ټولو ټیټه کچه لری، چې دا ښارونه یې د امریکا له سالمو ښارونو څخه کړی دی.