ټرمپ د زیږون له لارې تابعیت ختموی
واشنګټن، د جنورۍ ۲۰، ۲۰۲۵ – د سپینې ماڼۍ د راپور له مخې، د امریکا د متحده ایالاتو ولسمشر، دونالد ټرمپ، یو نوی اجرائیوی فرمان صادر کړی، چې په متحده ایالاتو کې د زیږون له لارې د تابعیت ترلاسه کولو پروسه محدودوی.
د زیږون له لارې تابعیت د امریکا د اساسی قانون د ۱۴م تعدیل له مخې تضمین شوی، چې وایی: “ټول هغه کسان چې په متحده ایالاتو کې زیږیدلی وی، د امریکا تابعیت ترلاسه کوی.”
د دې اجرائیوی فرمان پر بنسټ، دا بدلونونه په ځانګړی ډول هغو ماشومانو ته تطبیقېږی چې میندې یې د دوی د زیږون پر مهال په امریکا کې د غیرقانونی یا مؤقتی وضعیت لاندې ژوند کاوه، او پلرونه یې د امریکا تابع یا قانونی اوسېدونکی نه وو.
د نوروز خبرپاڼه
په فرمان کې راغلی چې دا محدودیتونه به یوازې هغو کسانو ته تطبیق شی چې د دې فرمان له نافذېدو وروسته، یعنې د ۳۰ ورځو دننه، په متحده ایالاتو کې زیږېدلی وی.
ټرمپ په دې فرمان کې ټینګار کړی چې د دې بدلونونو موخه دا ده چې د تابعیت ورکولو مخه ونیسی، څو هغه کسان چې ممکن د امریکا لپاره قانونی یا امنیتی ستونزې رامنځته کړی، تابعیت ترلاسه نه کړی.
هغه همداراز اعلان کړی چې دا پالیسی په هغو کسانو باندې هیڅ اغېز نه لری، چې له دې وړاندې د امریکا قانونی تابعیت ترلاسه کړی وی.
د امریکا حکومت د بهرنیو چارو وزارت، د کورنی امنیت وزارت، لوی څارنوال، او نور اړوندې ادارې مکلفې کړې دی چې د دې اجرائیوی فرمان د عملی کولو لپاره لازمی اقدامات ترسره کړی.
همداراز، ټاکل شوې چې د دې فرمان د تطبیق لپاره راهنمایی او اجرایی مقررات د راتلونکو ۳۰ ورځو دننه خپاره شی.
دا اجرائیوی فرمان د امریکا د مهاجرینو او پناه غوښتونکو د منلو پر پروسه پراخ اغېز کولی شی، او احتمال لری چې د امریکا دننه او بهر بیلابیل غبرګونونه را وپاروی.
