د ټرمپ د حکومت پر مهال د مهاجرینو لپاره مهم حقوقي نکات
دونالد ټرمپ د خپلې دندې په لومړۍ ورځ، یو لړ اجرائیوي فرمانونه صادر کړل چې یو برخه یې د متحده ایالاتو د نوي مهاجرتي شرایطو باندې تمرکز لري. دا فرمانونه د مهاجرینو او تازه داخل شویو کسانو لپاره نور محدودیتونه وضع کوي. د دې نوي شرایطو لپاره د لا ښه چمتووالي په موخه، سپوژمي نصیري، د کالیفورنیا یو برجسته مهاجرتي وکیله، په Pleasanton کې د افغانستاني مهاجرینو لپاره د حقوقي پوهاوي سمینار ترسره کړ، چې پکې لاندې مهمې مشورې وړاندې شوې:
- د مهاجرتي چارو لپاره له یو جواز لرونکي مهاجرتي وکیل سره تماس ونیسئ. هیڅ شرکت یا شخص پرته له مهاجرتي وکیل څخه، قانوني مشوره نشي ورکولی.
- په امریکا کې د افغانستاني ټولنې دننه، ځینې شرکتونه او سازمانونه د مهاجرینو فورمونه ډکوي او د هغوی مهاجرتي قانوني پروسه پر مخ وړي. دوی قانوني حق نه لري چې تاسو ته حقوقي مشوره درکړي. که تاسو له دوی څخه قانوني مشوره واخلئ، ممکن له قانوني ستونزو سره مخ شئ.
- له هېڅ داسې شخص سره مشوره مه کوئ چې مهاجرتي وکیل نه وي. کله چې تاسو له قانوني ستونزو سره مخ شئ، دا اشخاص به خپل نظرونه بېرته واخلي او ادعا به وکړي چې دوی یوازې ستاسو فورمونه ډک کړي دي.
- که تاسو بشردوستانه ویزه لرئ، نو باید د پناهندګۍ لپاره درخواست ورکړئ.
- که ستاسو د پناهندګۍ غوښتنه د مهاجرتي ادارې لخوا تایید شوې وي، نو هر څومره ژر چې ممکنه وي، د دايمي اقامت (ګرین کارت) لپاره درخواست ورکړئ.
- که تاسو د مؤقتي محافظت (TPS) حالت لرئ، نو دا باید تجدید کړئ. تاسو باید په امریکا کې غیر قانوني حضور ونلرئ.
- د خپل قانوني حضور اسناد (فزیکي یا ډیجیټلي) د ځان سره وساتئ، ترڅو که د قانوني مامورینو سره مخ شئ، وکولی شئ دا اسناد وړاندې کړئ.
- که تاسو مؤقتي وضعیت یا ګرین کارت لرئ، نو د خپل ټولنیز چلند ته پام وکړئ. له کورني تاوتریخوالي، د مخدره موادو پلور، جنسي ځورونې، یا هر ډول غیر قانوني عمل څخه ډډه وکړئ. که تاسو هر ډول جرم ترسره کړئ، امکان لري چې اخراج شئ.
- که تاسو ګرین کارت لرئ او جرمي سابقه لرئ، نو مخکې له دې چې له متحده ایالاتو ووځئ، باید له وکیل سره مشوره وکړئ.
- د سفر مخکې، د خپلو قانوني اسنادو، پاسپورت، او A نمبر یوه کاپي د خپلې کورنۍ یا وکیل سره وساتئ، ترڅو که د امریکا ته د بېرته راستنېدو پر مهال ستونزه رامنځته شي، وکولی شي ستاسو قضیه تعقیب کړي.
- که تاسو ګرین کارت ولرئ، ممکن د اخراج په برنامه کې شامل شئ. که څه هم تاسو ته ممکن د امریکا ته د بېرته راستنېدو اجازه درکړل شي، خو ستاسو قضیه به محکمې ته وړاندې شي.
- که تاسو د اخراج له خطر سره مخ یاست، نو هېڅکله له متحده ایالاتو مه وځئ.
زه چې د امریکا تابع یم، مخکې له سفر کولو څه باید وکړم؟
- که تاسو د امریکا تابع یاست او افغانستان ته سفر کوئ، او د بېرته راستنېدو پر مهال د سرحدي پولیسو لخوا درول کېږئ، له خپل وکیل سره تماس ونیسئ.
- پولیس حق نه لري چې له تاسو ډېرې پوښتنې وکړي یا ستاسو موبایل ته لاسرسی ترلاسه کړي.
- مخکې له سفر کولو، د خپلو قانوني اسنادو یوه کاپي د خپلې کورنۍ یا وکیل سره وساتئ، ترڅو که ستونزه رامنځته شي، هغوی وکولی شي د قضیې تعقیب وکړي.
- د کورنۍ د غړي د اړیکو شمېره له ځان سره وساتئ، ترڅو وکولی شي ستاسو له وکیل سره تماس ونیسي.
- ممکن پولیس تاسو د ثانوي تحقیقاتو لپاره څو ساعته ونیسي.
- تاسو کولی شئ پولیسو ته ووایئ:
- زه د متحده ایالاتو تابع یم او حق لرم چې بېرته خپل هیواد ته داخل شم.
- زه خپل موبایل نه خلاصوم او پرته له وکیل څخه هېڅ معلومات نه ورکوم.
- زه پرته له وکیل څخه هېڅ سند نه لاسلیکوم.
که زما د پناهندګۍ یا ګرین کارت قضیه اوږده شوې وي، څه باید وکړم؟
- که ستاسو د پناهندګۍ یا ګرین کارت پروسه اوږده شوې وي، له خپل سیمهییز کانګریس استازي یا سناتور سره تماس ونیسئ، ترڅو ستاسو قضیه تعقیب کړي.
- هغه کسان چې د مکسیکو له لارې امریکا ته داخل شوي، د خپلو قضیو د حل لپاره باید انتظار وباسي، ځکه چې د دوی قضیې ته د ژر رسیدګي لپاره هیڅ لومړیتوب نشته.
- دغه افراد کولی شي شپږ میاشتې وروسته د کار جواز لپاره درخواست ورکړي.
- که تاسو د امریکا تابع یئ او پاسپورت نه لرئ، ژر تر ژره د خپل ځان او کورنۍ لپاره پاسپورت ترلاسه کړئ، ځکه چې د پاسپورت د ترلاسه کولو قوانین ممکن سخت شي.
څوک د امریکا د اخراج له خطر سره مخ دي؟
کالیفورنیا د مهاجرینو ساتنه کوي او د ICE ادارې سره د مهاجرینو د نیولو په برخه کې همکاری نه کوي.
د ټولو افغانستاني مهاجرینو ډلهییز اخراج ممکن نه دی.
د نوروز خبرپاڼه
یوازې هغه کسان چې جرمي سابقه لري او محکمه یې د اخراج حکم صادر کړي، د اخراج له خطر سره مخ دي.
که تاسو هیڅ جرم نه لرئ، نو د اخراج ویره مه لرئ.
څه باید ونه کړئ؟
- که تاسو او ستاسو د کورنۍ غړي پناهندګي ترلاسه کړې او د همدې لارې مو ګرین کارت اخیستی، نو افغانستان ته مه سفر کوئ.
- ځکه چې تاسو د پناهندګۍ پر مهال ادعا کړې وه چې ستاسو ژوند په خطر کې و.
- که افغانستان ته سفر وکړئ، دا ستاسو د پناهندګۍ ادعا تر پوښتنې لاندې راولي.
- تاسو کولی شئ نورو هیوادونو ته سفر وکړئ، خو افغانستان ته نه.
څوک کولی شي افغانستان ته سفر وکړي؟
- هغه کسان چې د خاص مهاجرتي ویزې SIV، د واده، د کورنۍ سپانسرشپ یا نورو غیر پناهندګۍ لارو ګرین کارت ترلاسه کړی، کولی شي افغانستان ته سفر وکړي.
- هغه کسان چې د امریکا تابعیت لري، هم کولی شي افغانستان ته سفر وکړي.
که قانوني ستونزه رامنځته شي، څه باید وکړو؟
- که قانوني ستونزه لرئ، د امریکا د اسلامي اړیکو شورا CAIR سره تماس ونیسئ او د قانوني مرستې غوښتنه وکړئ.
- که د FBI فدرالي پولیس ستاسو د مهاجرتي وضعیت په اړه ستاسو کور ته راشي:
- تاسو حق لرئ چې دروازه خلاصه نه کړئ.
- وکیل ته ووایاست، وروسته به له دوی سره تماس نیسئ.
- هیڅکله پولیس خپل کور ته مه را بلئ، حتی د چای یا مېلمستیا لپاره هم نه.
اضافي حقوقي مشورې
- که تاسو د ترافیکي سرغړونو ټکټ ترلاسه کړئ، باید یا یې جریمه ورکړئ یا یې په محکمه تعقیب کړئ.
- د اوبر او لیفټ چلوونکو ته سپارښتنه کېږي چې، که د شرکت له پالیسیو سره مخالفت نه لري، د قانوني خوندیتوب لپاره په موټر کې کامره ولګوي.
یادونه
په متحده ایالاتو کې ټول خلک، پرته له دې چې د مهاجرت وضعیت یې څه وي، د امریکا د اساسي قانون له مخې حقوق او ساتنه لري.
د سرې کارتونو “خپل حقوق وپیژنئ” د دې لپاره جوړ شوي چې خلک وکولی شي خپل قانوني حقوق وپیژني او له سرغړونو ځان وساتي.
هغه کسان چې په انګلیسي نه پوهېږي، کولی شي دا سور کارت د دروازې لاندې پولیسو ته ورکړي.
یادونه: په متحده ایالاتو کې ټول کسان، پرته له دې چې د مهاجرت وضعیت یې څه وي، د امریکا د اساسي قانون له مخې حقوق او قانوني ساتنه لري.
د “خپل حقوق وپیژنئ” سور کارتونه د دې لپاره جوړ شوي چې افراد وکولی شي خپل قانوني حقوق بیان کړي او د غیر قانوني سرغړونو پر وړاندې دفاع وکړي.
د خپلو حقوقو پوهیدل او د هغوی بیانول کولی شي په ډېرو مواردو کې مهم توپیر رامنځته کړي، لکه هغه وخت چې د ICE مامورین د یو کس کور ته ورځي.
سرې کارتونه مهم معلومات برابروي چې افراد ته ښيي څنګه خپل حقوق بیان کړي او مامورینو ته دا وضاحت ورکړي چې دوی خپل قانوني حقونه عملي کوي.
که تاسو د ترافیکي سرغړونو ټکټ ترلاسه کړئ، باید یا یې جریمه ورکړئ یا یې په محکمه تعقیب کړئ.
د اوبر او لیفټ چلوونکو ته سپارښتنه کېږي چې، که دا د شرکت د پالیسۍ خلاف نه وي، د احتمالي پېښو د مخنیوي، له قانوني ستونزو د ځان ساتلو، او د خوندیتوب لپاره په موټر کې کامره نصب کړي.
دا نکات د سپوژمي نصیري، د کالیفورنیا د مهاجرتي حقوقو وکیلې، د وینا پر بنسټ دي، چې د ختیځ خلیج اسلامي مرکز کې د افغانستاني مهاجرینو لپاره وړاندې شوي دي.
